XX. mendeko Euskararen Corpus estatistikoa

Testuingurua

Hainbeste ume alferrik hilaraziak! Eta hain zuzen, Herodesek hil nahi zuen ume bakarra, salbatu egin zen!

Jesus haurraren zirkunzisioa eta izena Jesus ipintzea ere Belenen gertatu zen. Belen zen David Testamentu Zaharreko erregearen jaioterria.

Eta nola hartu zituen gora-behera horiek guztiak San Josek? Berak ez zekien tutik. Hauek Jainkoaren kontuak dira, esango zuen Ama Birjinak. Berak esan diezaiola (San Joseri, alegia). Eta bitartean, San Jose gizajoa sofritzen.

Maria haurdun zela ohartu zen San Jose, eta honek zer pasatzen zen ez zekien. Mariak esan zuen berekiko: Ni ez noa deusik esatera. Jainkoaren gauzak dira hauek. Berak esan diezaiola, bere borondatea hala baldin bada.

Magoak, Jainkoak agindu bezalaxe, ez ziren Jerusalenera bueltatu, eta Jerusalengo errege Herodesek, Belen eta inguruetako ume denak hiltzeko agindua eman zuen. Hala Jesus ere horiekin batean hilko zen (Hala uste zuen berak). Baina alfer-alferrik izan zen dena, zeren garaiz aingeru batek agindu zion familia santuari Egiptora ihes egin eta hantxe egoteko, harik eta handik itzultzeko abisua hartu arte.